По заминувањето на руските фанови од Франција нередите и тепачките низ улиците на француските градови ги снема. Сега англиските фанови се забавуваат со многу пиво и навивање.
Низ улиците на Ница беше и светскиот боксерски шампион Тајсон Фјури, кој неодамна го откажа дуелот со Кличко поради повреда. При шетањето низ градот тој влезе во еден паб, кој беше полн со англиски фанови и на своите сонародници им ја плати сметката во висина од 1.000 евра, а на тоа Англичаните возвратија со френетично навивање.
Англија во Ница го игра својот осминафиналниот натпревар против големото изненадување селекцијата на Исланд, а англиските фанови од денешниот натпревар очекуваат сигурна победа и дуел со домаќинот Франција во четвртфиналето.
