Светскиот шампион во тешка категорија на ВБЦ, Тајсон Фјури нема да се врати во рингот, како што планираше на 5 декември во Велика Британија. Британецот требаше да направи доброволна одбрана на титулата следниот месец, а непоразениот Агит Кабајел беше главен кандидат за негов противник.
„Кралот на Ромите се враќа во 2021 година“, објави на Твитер Фјури и додаде: „Само оние кои ме поддржуваат 100% од моето враќање ќе бидат со мене заради славата“.
The Gypsy King is returning in 2021. Only those that have supported me 100% since my comeback will be with me for the glory.
— TYSON FURY (@Tyson_Fury) November 15, 2020
Тајсон Фјури последен пат боксираше во февруари кога го запре Дионтеј Вајлдер во седмата рунда за освојување на светската титула на ВБЦ на гранд МГМ во Лас Вегас.
Вајлдер ја искористи клаузула за непосреден реванш за да одржи трет меч. Третата средба беше одложувана неколку пати поради пандемија на коронавирусот. Британецот и неговиот тим се изморија од чекање и најавија дека ќе направат доброволна одбрана на 5 декември – истовремено изјавувајќи дека истекла клаузулата за реванш со Дионтеј Вајлдер.
Минатата недела, Вајлдер и неговиот тим се свртеа кон нивниот правен тим, со двете страни во посета на медијатор за да утврдат дали клаузулата за реваншот е сè уште валидна.
