Вечерва со свечена Академија во Музејот на македонската револуционерна борба беа однележани јубилеите 40 години „Македонски бисер“, 55 години борење во Македонија и 20 години од светската титула на БК Бучим и беше промовирана монографијата „Борење најтрофеен македонски спорт“.
На најдобрите во историјата им беа доделени признанија. Секако, прв меѓу најдобрите е олимпискиот шампион Шабан Трстена, Шабан Сејди, Могамед Ибрагимов, Зоран Шоров, Насе Насев, Ванчо Чифлиганец, Бучим, Балканец, Спартак, Лирија, потоа Македонскиот Олимписки комитет, Агенцијата за млади и спорт.
Директорот на АМС,Марјан Спасеки, рече дека е време борењето да се врати на старите патеки и да го задржи приматот на спорт број 1 во Македонија. Тој и се заблагодари на плејадата борачи што така високо го кренаа борењето, како: Трестена, Сеиди, Ибаргимов, Шоров, Насев и други.
„Ќе се гордееме на сите наши успеси“, истакна Спасески.
Претседателот на МОК, Васил Тупурковски, истакна дека го славиме спортот и затоа на присутните величини ќе се сеќаваме и секогаш ќе се гордееме со нив.
„Спортот има свои подеми и падови, пак ќе дојде време да се подигне. Битно е да се развива. Така ќе ги паметиме златото на Шабан Трстена, медалот на Могамед Ибрагимов од Сиднеј…убеден сум дека уште ќе има резултати“, рече претседателот на МОК, додавајќи дека монографијата е одличен проект.
Претседателот на Федерацијата на боречките спортови на Македонија, Ванчо Чифлиганец, во совоето излагање се заложи сите да се обединат во еден правец „враќање на борењето на старите патеки – победничките“. Според него, тоа треба да се направи во период од 5-10 години, почнувајќи со работа од училиштата па се до министрествата.
„Ова е јубилеј на повеќе генерации, а борењето е спорт на човештвото кој дава енергија“, нагласи Чифлиганец, кој најпрво му се заблагодари на првиот претседател на борењето во Македонија, Круме Наумовски.
Тој реторички го постави прашањето: Зошто борењето е најтрофеен спорт?
„Освоени се 100 медали од Олимписки игри, Светски првенства, Европски првенства, Медитерански игри, Балкански шампоионти, клупски успеси“, потенцираше Чифлиганец.
Претседателот на ФБСМ и се заблагодари на МОК и АСМ, односно нивните водечки луѓе Тупурковски, Владимир Богоевски, Марјан Спасески, а голем аплауз на отворена сцена доби олимпискиот шампион Шабан Трстена за се она што го направил за македонскиот спорт, како и Ибрагимов, Сејдиу, Шоров и другите, на кои најсредчно и изрази благодарност. Тој не ги заборави медиумите и новинарите како Миодраг Мицковиќ и Киро Манев,кој има прв правел радио преноси од борењето.
Монографијата „Борењето најтрофеен македонски спорт“ има 300 страници, целосен колор. Во неа се забележани сите настапи нанашите борачи на меѓународните првенства и домашната сцена, како и на клубовите и останатите борачки субјекти. Како редактор се јавува Горан Милковски, а стручни соработници се Насе Насев, Славчо Тодоров и Љубомир Лазаревски.
За најголемите
Шабан Трстена, олимписки првак од „Лос Анџелес 1984′ и вицепрвак од „Сеул 1988“; Шабан Сејдиу – двојниот освојувач на бронза од „Мосва 1980“ и „Лос Анџелес 1984“; Могамед Ибрагимов – носител на единствениот олимписки медал во самостојна Македонија, бронза од „Сиднеј 2000“. Насе Насев – поранешен слектор, под чие водство се освоени медалите. Сејдиу беше оправдано отсутен поради здравстевни проблеми, а Зоран Шоров, освојувач на медал од ЕП, ја почитуиваше најавата на својот клуб – дека ќе ја бојкотираат прославата и утрешниот „Македонски бисер“.
Ipon.mk/В.Д.
