На Меѓународниот таеквондо турнир серија Е3 „Астерикс куп“ во Ниш, Србија, Душица Бреслиева од ТКД Штип освои сребрен медал.
„Со одлични борби, огромна пожртвуваност и спортски дух успеа да освои сребрен медал и значајни поени за олимписка норма.
Со секој свој настап Душица покажува дека македонското таеквондо има иднина, квалитет и шампионски дух. Нејзината посветеност, дисциплина и борбеност се вистински пример за младите спортисти и гордост за нашиот клуб и град“,
Пишува на Фејсбук тренерот Жарко Арсовски и додава:
„Честитки за Душица за овој голем успех, како и за тренерскиот тим и сите кои се дел од нејзиниот спортски пат!
Продолжуваме уште посилно кон нови победи, нови медали и нови предизвици“!
Душица во континуитет го потврдува својот талент и за наредните Олмписки игри ќе биде конкурент за обебзедување норма.
