Носителката на сребрениот медал од Европското карате првенство за сениори, Михаела Мишовска, во Скопје имаше топол и срдечен пречек од родителите, клупските другари од Олимпик спорт, тренерите, пријателите и роднините.
Емоциите беа присутни кај сите, бидејќи сребрениот медал на Михаела е најголемиот успех на нашата репрезентација на ова ЕП, а воедно и најголем на Мишовска.
Таа сребрениот медал го освои во борби во категоријата до 50 килограми.
Се надеваме дека се почесто ќе има вакви пречекувања на Мишовска, бидејќи таа е млада натпреварувачка пред која се уште многу шампионати.
