Денеска во салата на БК Спартак беше раздвижено и се почувтствува духот на деновите кога салата беше полна и кога се разговараше дали ќе се освои титулата и колку борачи ќе бидат шампиони на Македонија. Поранешниот борач и тренер Спартак одржа тренинг, Љубиша Пешко, со борачи од Вардар, како и поранешниот тренер и борач на клубот Насе Насев.
Тука е Иван Викиќ кој се подготвува за ММА натпревар во Сплит, Хрватска, во сабота, инаку член на Спартак. Најмногу придобивки од денешниот показен тренинг имаа најмладите, пред се големата надеж на кочанското борење Столе Ефтимов, како и Стефан Пешко.
Секако, ова беше голема можност и за тренерот и борач Александар Павлев да научи напредни зафати кои се применуваат на свестката сцена, како и за борачите Ане Кировски, Стојанчо Стојчев и другите.
Можеби ова се сигнали за постепено враќање на кочанското борење на старите патеки.
Ipon.mk/В.Д.
