Амер Абдалах, шефот на промоцијата на Скил челинџ, неодамна изјави дека има добро чувство за преговорите за мечот меѓу Александар Усик и Тајсон Фјури во кој двајцата шампиони ќе се борат за обединување на појасите во тешка категорија.
Компанијата на Абдала сака да организира боксерски спектакл во тешка категорија што ќе се одржи во Саудиска Арабија во декември.
Големиот настан на Блискиот Исток би бил главен со два меча во тешка категорија.
Во првата борба би се соочиле поранешните светски шампиони Ентони Џошуа и Дионтеј Вајлдер, а во втората би настапиле главните ѕвезди на настанот ВБЦ шампионот Тајсон Фјури и Александар Усик, сопственик на ВБА (Супер), ИБФ, ВБО и IBO појасите.
Украинецот потпиша со компанијата на Абдала претходно овој месец, а Фјури и неговиот промотор Френк Ворен го нарекоа алчен човек.
Абдала објаснува дека во медиумите се појавиле многу дезинформации. и ги негираше тврдењата дека неговата компанија им понудила на Усик и Фјури 120 милиони долари.
„Понекогаш гледам што објавуваат луѓето на социјалните мрежи и тогаш сум многу изненаден колку е се глупаво. А потоа се прашувам зошто прво не се проверуваат некои работи“, рече Амер Абдалах и продолжи:
„Неверојатно е колку боксерски гласини има. Не знам од каде доаѓаат. Се разбира, никој нема да пријави кога авион успешно слета, бидејќи тоа не е новост. Тие бараат катастрофа. Сакаат наслови да собираат кликови и тоа е тоа. Затоа сега велам дека никому не сме дале понуда“.
Лидерот на Скил челинџ истакнува дека неговата компанија ги има потребните ресурси за да ги претвори желбите во реалност.
Тој нагласи дека сите луѓе кои се вклучени во овој потфат имаат желба да продолжат овие борби.
„Знам како Тајсон ја сака таа борба, како и неговите промотери Џорџ и Френк Ворен. А Усик дефинитивно го сака тој меч. Еј Џеј ја сака борбата, како и неговиот промотор Еди Херн. Шели и Дионтеј исто така сакаат борба“, истакна Амер Абдала и додаде:
„Мислам дека нема пречка да се случи тој спектакл, а Скил челинџ ќе даде врвна понуда. Нема да има конкуренција. Ќе им понудиме и ќе им платиме на момците тоа што вредат на пазарот, а можеби и малку повеќе. Ќе водиме големи борби и тоа ќе биде величествен настан. Ако некој или нешто може да ги спречи тие натпревари да се случат, тоа се поединци кои не сакаат борба. Парите нема да бидат проблем“.
