Шон Стрикленд се уште не може да се помири со поразот од Алекс Переира

53

Бразилскиот борец Алекс Переира на почетокот на месецот на УФЦ 276 го победи Шон Стрикленд со нокаут во првата рунда.

Поранешниот шампион на Глори, најверојатно, ќе добие шанса да добие место за предизвикувач во борбата за титулата против шампионот во средна категорија, Израел Адесања.

А Стрикленд влезе во тој меч по шест победи во низа и беше многу сигурен пред мечот.

Но, сите негови планови се распаднаа на половина пат од првата рунда кога беше нокаутиран.

Во последното интервју тој призна дека се уште чувствува психички проблеми од тој пораз.

„Поминувам низ тешки времиња, погледни ја мојата брада, мојата коса… Можеби ќе почнам да се дрогирам или да пијам, можеби треба да живеам под мост. Сега така се чувствувам сега“, изјави Шон Стрикленд.

Стрикленд верува дека Адесања нема да има проблем да победи на потенцијалниот меч против Переира.

„Изи ќе го победи Алекс. Повторно ќе скока по октагонот и ќе го победи Переира по пет рунди, а потоа ќе каже дека е најдобар во светот. Ова не го менува фактот дека е клошар“, изјави Шон Стрикленд и додаде:

„На крајот на денот никој не се сеќава како стигнвте до триумфот, се сеќава само дека си победил. Изи ќе танцува со своите мали светкави прсти и ќе победи. Но, се надевам дека нема“.