Сергеј Ковалев го предизвика Џејк Пол: Ако сакаш да бидеш вистински борец, излези против мене
Трикратниот светски шампион во полутешка категорија (до 79,4 кг) Сергеј Ковалев му ја фрли ракавицата на популарниот американски боксер и јутјубер Џејк Пол. Во интервју за јутјуб каналот Секандс аут, Русинот, кој неодамна ја заврши активната кариера, не ја криеше желбата за уште една голема борба.
„Тој е добар боксер, но немал достојни противници. Џејк, ако навистина сакаш да се наречеш вистински борец – ајде да се соочиме еден со друг. Ајде да го направиме тоа“, рече Ковалев пред камерата.
42-годишниот Русин има импресивна кариера зад себе. Дебитираше во професионалниот ринг во 2009 година и официјално го објави пензионирањето во 2025 година. Во овој период забележа 36 победи (вклучувајќи против имиња како Жан Паскал и Бернард Хопкинс), 5 порази и едно реми. Се смета за еден од најмоќните нокаутери во својата категорија во последните две децении.
Џејк Пол, во меѓувреме, продолжува да добива на популарност со победи над поранешни ММА борци, но често е критикуван за нивото на противниците. Потенцијален меч меѓу него и Ковалев би бил неговиот прв судир против докажан и искусен боксер од светска класа.
