Според информации од Украина, поранешниот владетел во тешка категорија 41-годишната легенда, Владимир Кличко (64 – 5, 53 КО) се уште не донел официјална одлука во однос на реваншот со 27-годишниот Ентони Џошуа (19 – 0, 19 КО).
Еди Херн, промоторот на Британецот, веќе почна да бара најприкладно и профитабилно место за повторување на битката. Кличко изгледа ќе ја почека одлуката на ИБФ за задолжителната одбрана на Џошуа против Кубрат Пулев (25 – 1, 13 КО).
Потсетуваме дека Matchroom Boxing испрати официјално барање до ИБФ, со што организацијата е замолена да направи исклучок и да дозволи спроведување на реваншот на Џошуа против Владимир Кличко, без да го лиши од титулата.
Klitschko to announce Joshua II decision after @IBFUSBAboxing exception ruling https://t.co/7kXj5LOrK2 pic.twitter.com/kY6bTsUXFz
— World Boxing News (@WorldBoxingNews) May 24, 2017
Портпаролот на ИБФ рече дека барањето на Џошуа ќе биде разгледано оваа недела за време на тековната конференција на ИБФ. Според информациите, ако одговорот е негативен, а Џошуа биде лишен од појасот на ИБФ, така Кличко може да биде следниот на листата за борба со Пулев и да ја освои титулата во дуел против противник кој лесно го победи порано. Затоа, украинскиот ветеран ќе продолжи да молчи за реваншот, додека не се слушне официјалниот одговор од ИБФ.
