Пар спортски патики што ги носи Конор Мек Грегор се продаваат на аукција за да помогнат во собирање средства за ирски ММА борец кој е парализиран. Патиките кои Мек Грегор ги носеше пред мечот со Флојд Мејведер во 2017 година беа ставени на аукција на Бадник и ќе бидат достапни за наддавање до 11 јануари.
Приходите од аукцијата ќе бидат донирани на Јан Коглан, ММА борец кој беше парализиран летото по ужасна несреќа на тренинг. Тој важеше за еден од највозбудливите таленти во Ирска и се подготвуваше да се врати во кафезот откако го имаше дебито во Белатор, но, за жал, беше парализиран за време на спаринг сесијата.
Додека терапевтите го подготвуваат за живот во инвалидска количка, „Јан не се откажува без борба“, пишува на страницата GoFundMe создадена за него. На страницата беше објавено ажурирање на 28 декември, кое гласи:
„Би сакале да ја изразиме нашата благодарност до сите наши донатори, вклучително и Конор Мек Грегор, што ни помогнаа да ја постигнеме нашата првична цел за лекување на Јан.
Патиките на Конор моментално чинат 6.050 фунти и има 5 дена до крајот на аукцијата. Страницата GoFundMe за ММА борецот собра 79.116 евра од главната цел, што е 95.000 евра. Ова е слика од предметните патики кои моментално се по цена од 6.050 фунти.
