Поранешниот светски шампион на ИБФ, ВБА, ВБО и ИБО, Енди Руиз Јуниор (34-2) е на прагот да одржи втор меч до крајот на годината. „Уништувачот“ веќе е во завршни преговори за борба со уште еден носител на појас во тешка категорија-Чарлс Мартин (28-2-1). Според ЕСПН, двајцата веќе ги договориле деталите за договорот, а судирот е закажан за октомври.
Енди Руиз очајно се обидува да ја врати својата позиција на професионалната сцена. По поразот од Ентони Џошуа (24-1) на крајот на 2019 година, успеа да одржи само една борба. Пред три месеци, поранешниот шампион го совлада Крис Ареола (38-7-1) во 12 рунди, но не беше убедлив со својот настап.
„Принцот Чарлс“ исто така бара опција за победа во нов меч за светската титула. Тој беше шампион на ИБФ во 2016 година, но брзо ја загуби титулата без да направи ниту една одбрана по поразот од Џошуа. Американецот последен пат боксираше со Џералд Вашингтон во февруари минатата година и победи со нокаут во шестата рунда.
Останува да видиме дали ќе успеат разговорите меѓу Руиз и Мартин. Познато е дека „Уништувачот“ е во преговори со други имиња кои можеби ќе застанат против него на патот кон неговиот скок на светската ранг -листа. Сепак, се уште не е потпишан договор со ниту еден од нив.
