Македонската самбо репрезентација утре во Беране, Црна Гора, ќе учествува на Меморијалниот меѓународен турнир „Др. Савка Саботиќ“, кој воедно е и ЕП за Југоисточна Европа.
За нашата репрезентација ќе настапат: Ристо Димитров (-68 кг) и Александар Петковски (-100 кг) ќе настапат во комбат самбо, Алек Јовановски, Бајро Машовиќ (супер тешка), Авни Дaрдишта (82 кг), Џелал Идризи (82 кг), Муамед Усеини, Едвин Бихорац (72 кг), Ридван Илизовски (74 кг) и Никола Источки – сите ќе се борат во спорт самбо.
„Треба да оствариме добар успех. Минатата година бевме најдобри“, вели претседателот на Самбо федерацијата на Македонија, Ердал Факиќ, кој додава дека во Беране ќе се видат многу мајстори од повеќе спортови како: карате, кјокушин карате, хапкидо, вушу снада, кик бокс, ММА.
Ќе има демонстрации на овие вештини, но и борби.
Нашата репрезентација ја предводат Факиќ и Славчо Тодоров.
Ipon.mk/В. Д.
