По тешкиот пораз со нокаут од Енцо Макаринели во Москва во декември минатата година, повторно се слушнаа повици дека е време Рој Џонс да се повлече.
Велшанецот (35 г.) во меѓувреме се повлече откако го нокаутираше Дмитро Кучер во првата рунда, а Џонс (63-9, 46 КО) во март го нокаутираше ММА борецот Вајрон Филипс.
47-годишната легенда во рингот повторно ќе влезе на 13 август против Родни Мур (17-11-2, 7 КО). 40-годишниот Американец ги загуби последните девет мечеви, а во периодот од 2005 до 2012 година не се бореше.
Некогаш најдобриот боксер на светот ќе го предводи настанот во родниот Пенсакола, Флорида, град каде што пред 27 години го направи професионално деби. Борбата ќе се одржи во леснотешка категорија.
