Реваншот меѓу Андре Ворд и Сергеј Ковалев веќе е факт.
Повторно ќе се сретнат на 17 јуни во Лас Вегас, а Андре Ворд ќе ги брани светските титули во лесно-тешка категорија во верзиите на ВБА, ВБО и ИБФ.
Веста ја потврди самиот ворд на социјалните мрежи, истакнувајќи дека „навивачите го добиле она што го сакале“.
Дуелот доаѓа молскавично по првиот меч меѓу Ворд и Ковалев во кој судиите со многу контроверзи победата му ја доделија на Американецот, иако многумина не се согласија со таквата разврска.
Тоа беше и првиот пораз во професионалната кариера на Сергеј Ковалев – Крушер.
По средбата Андре Ворд дури размислуваше за повлекување од боксот, признавајќи дека единствено реваншот против Ковалев е интересен за него.
Дел од борбената карта ќе биде и средбата меѓу Гилермо Ригондо и Моисес Флорес.
I'm going to keep it short & sweet, you got what you asked for, now you have to see me JUNE 17. This time leave the excuses at home. #EARNED pic.twitter.com/rw5UCjKuwo
— Andre S.O.G. Ward (@andreward) April 4, 2017
.
