Ракиќ нешто полесен од Блахович пред настанот на УФЦ во Лас Вегас

128

Александар Ракиќ викендов ќе настапи на настанот УФЦ на ЕСПН 36 во Лас Вегас против поранешниот шампион во полутешка категорија, Полјакот Јан Блахович.

Тоа ќе биде најтешкиот испит во кариерата за српскиот борец со австриски пасош.

Ракиќ е во потрага по третата победа во низа, која веројатно би му дала можност да се бори за титулата. Блахович го загуби шампионскиот појас минатата година против Гловер Тешеира.

Борците имаа мерење пред настанот, а Александар ќе влезе малку полесен во мечот против Јан. Имено, вагата покажа 93 килограми на српскиот борец и 93,2 килограми на Полјакот.