Кик бокс клубот Прокик-фемили од Скопје на Интернационалниот турнир „Софија опен 2019“ кој изминатиов викенд се одржа во Софија, Бугарија, освои четири медали – 1 златен, 1 сребрен и 2 бронзени во кик лајт.
Медалите ги освоија:
- Стефан Михајловски + 94 кг, сениори – златен медал
- Ивица Бубулевски – 69 кг сениори – сребрен медал
- Марко Тодоровски – 63 кг постар кадет – бронзен медал
- Мија Стерјовска – 55 кг постар кадет – бронзен медал
„Задоволни сме од настапот на нашите борци на турнирот и постигнатите резултати. Иако беа меѓу најмладите сениори, Стефан Михајловски и Ивица Бубулевски прикажаа добри борби со исклучителна брзина и одлична техника, додека постарите кадети Марко Тодоровски и Мија Стерјовска, покрај освоените медали, се збогатија со големо искуство, кое секако ќе им користи во понатамошната спортска кариера“, велат тренерот и раководството на клубот.
Над 500 пријавени борци беа дел од турнирот организиран од страна на Деница Миленкова и Иван Георгиев од Стар тим Бугарија и Кик бокс Федерацијата на Бугарија.
„Исклучителна организација, целодневни борби без никаков застој и одлични борци се карактеристиките со кои може да се опише одржаниот турнир“, истакнуваат од Прокик фемили.
Резултати
+ 94 кг Сениори
Стефан Михајловски – Марин Митаров (Бугарија) 3-0
Стефан Михајловски – Марио Александров (Бугарија) 3-0
Стефан Михајловски – Даниел Динев (Бугарија) 3-0
–69 кг
Ивица Бубулевски – Росен Христов (Бугарија) 3-0
Ивица Бубулевски – Александар Ангелов (Бугарија) 0-3
–63 кг постари кадети
Марко Тодоровски – Петио Футлев (Бугарија) 0-3
–55 кг
Мија Стерјовска – Анелиа Тодорова (Бугарија) 0-3
