Британскиот боксер Тајсон Фјури го брани шампионскиот појас на ВБЦ против Дионтеј Вајлдер на 9 октомври во Лас Вегас.
Таа борба ќе стави крај на трилогијата што започна со ремито во декември 2018 година, а Ромскиот крал го победи Бронзениот бомбардер минатиот февруари со прекин во седмата рунда.
На почетокот на годината беше најавен боксерски спектакл кој ќе ги обедини титулите меѓу Ентони Џошуа и Тајсон Фјури.
И кога се чинеше дека договорот е блиску, пристигна судска наредба која му даде шанса на Вајлдер да побара реванш против Ромскиот крал, што и го направи.
Ентони Џошуа и Тајсон Фјури затоа мораа да ја откажат нивната борба. Британецот ја прифати борбата против Вајлдер, затоа што ако не, ќе му платеше на Американецот милионска отштета.
Во неделата пред мечот објавена е првата епизода од Одбројувањето, во која беа претставени двајцата боксери. Гледачите можат да дознаат што се случувало во позадина на првите два дуели.
