Побегна! Ти си никој и ништо, момче! Само голема уста од Шпанија со убава фризура
Многу фанови на ММА се надеваа на суперборба меѓу Ислам Махачев и Илија Топурија, но претходно оваа недела УФЦ објави дека Топурија ќе се бори со Чарлс Оливеира за слободниот шампионски појас во лесна категорија – Махачев го ослободи појасот за да се искачи во потешка категорија и да го предизвика шампионот во велтер категорија Џек Дела Мадалена.
Иако Махачев и Топурија наскоро нема да се сретнат во кафезот, нивните борби на социјалните мрежи не стивнуваат. Кратко по гореспоменатото соопштение на УФЦ, „Ел Матадор“ изјави дека „срамота е што Махачев избега“.
Дегестанецот потоа возврати со презентирање на некои факти. Имено, пред да се пресели во велтер категорија, Махачев лесно го прифати секој предизвик во лесната категорија и на тој начин ја „исчисти“ дивизијата, а истакна дека Топурија ја напуштила перо категорија пред да се соочи со сите главни предизвикувачи. Тој се осврна конкретно на Мовсар Евлоев и Диего Лопез.
„Разликата меѓу тебе и мене е што јас го исчистив врвот на мојата дивизија и се искачив на следната, додека ти избега од двајца предизвикувачи кои имаа пет до девет последователни победи во перо категорија. Ти си никој и ништо во лесната категорија – само голема уста од Шпанија со убава фризура. Добиј барем една победа (во лесна категорија) и можеме да разговараме, момче“, напиша Махачев на X.
Difference between me and you, that I cleaned top list in my division, moved to next, but you ran away from two contenders who had consecutive 5-9 wins in FW division. You are nobody in LW division, just a big mouth from Spain with nice haircut. Go get one W, and we can talk boy
— Makhachev Islam (@MAKHACHEVMMA) May 15, 2025
Топурија брзо одговори, уште еднаш обвинувајќи го Махачев дека бега од борбата со него. Тој додаде и провокација на руски, нарекувајќи го „мало момче“:
„Разликата меѓу тебе и мене е што јас сум маж, а ти си кукавица. Јас зборувам и се борам. Ти само зборуваш и се криеш. Ти бегаш, не оставајќи никаква трага. Ти маленький пацан (Ти си мало момче)“, напиша Топурија.
The difference between you and me is that I am a man and you are a coward. I speak and fight. you talk and hide. Run away far, leaving no trace. Ты маленький пацан. https://t.co/kDuhhdIB8t
— Ilia Topuria (@Topuriailia) May 15, 2025
