Полјакот Марчин Тибура не можеше да се брани против домашниот дефанзивец Шамил Абдурахимов на неодамнешниот настан на УФЦ во Санкт Петербург. Двајцата тешкаши добро се испотепаа пред да успее Русинот чисто да го погоди Тибура во средината на втората рунда и да забележи нова победа со прекин.
Во многу изедначан меч претежна силното лево кроше со кое Русинот го погоди и го здрма Тибура. Следеше брутална егзекуција и судијата немаше избор освен да го прекине мечот. Од доаѓањето во елитната промоција, воедно ова е пета победа во низа за Абдурахимов, но само втор нокаут. По славењето против Шерман и Арловски, ова е и третата победа во серија. За Тибура, овој пораз го означи третиот пораз во последните четири настапи. Вкупно во кариерата полскиот тешкаш има 17 победи и 5 порази.
Колку е тврда и брутална оваа тешка пресметка во Санкт Петербург и пред конечниот прекин, докажува и фактот дека и двајцата завршија во болница по мечот. Таму „падна“ и заедничка фотографија објавена од Русинот во неговиот Инстаграм. Со неа напиша:
„Во кафезот војна, но надвор од него само пријателски односи“!
Освен Абдурахимов, на листата на борбите во Санкт Петербург следевме уште двајца руски тешкаши. Тие настапија со половичен успех; и додека Сергеј Павлович импресивно го порази Марсело Голма со нокаут веќе во првата рунда, ветеранот Алексеј Олејник настрада од коленото на легендарниот Алистер Оверем. И таа борба заврши во првата рунда.
