Паунд фор паунд тим Македонија освои 22 медали – 9 златни, 7 сребрени и 6 бронзи и второпласирана екипа на Меѓународниот турнир „Бугарија опен“ за џиу џицу и граплинг што се одржа денес.
„За прв пат дебитираа тројца борци од нашиот тим, на уште 5 им беше само втор турнир и 5 искусни борци ги бранеа боите на клубот/тимот,на град Битола и Македонија“, вели тренерот Сашко Миречевски и додава:
„Игор Додевски, Бојан Милевски во напредна дивизија имаа одлични настапи и победија доста добри и искусни натпреварувачи, а кај јуниорите добар настап имаше Филип Марковски, освојувајќи две злата и во кимоно(џиу џицу) и во граплинг.
Миречевски вели продолжуваме со активна и редовна работа со клубот, истакнувајќи дека наскоро ќе се одржи тренинг камп со поискусните натпреварувачи во Германија и дека се во преговори за следни ММА борби.
„Продолжуваме напред. Со срце за МАКЕДОНИЈА!“, порача Мирчевски
