Легендарниот тешкаш реши боречката арена да ја замени со политичката.
Алистер Оверем беше многу вешт да ја изненади боречката јавност во последните месеци. Прво ги изненади фановите со одлуката да се повлече од спортот, а потоа ги шокираше со тенкото издание (кое е резултат на вегетаријанството), а сега продолжи со истиот ритам и изненади многумина со новата работа. Легендарниот Холанѓанец реши боречката арена да ја замени со политичката.
„Човекот од рушење“, имено, се приклучи на политичката партија Беланг ван Недерланд (Интересот на Холандија), а деновиве се подготвува да се кандидира за холандскиот Претставнички дом. Неговата одлука со јавноста ја сподели шефот на БВНЛ, Вибрен ван Хага.
„Легендата на боречките вештини Алистер Оверем го менува рингот за политичката арена. Заедно со БВНЛ ќе ги води вистинските битки за иднината на Холандија. Горди сме што го имаме со нас“, објави Ван Хага на Твитер и набргу потоа самиот Оверем и се обрати на јавноста и ја објасни својата одлука.
„Се фрустрирав со сите мерки за време на периодот на коронавирусот. Владата зборуваше за здравствената криза, но истата влада ги затвори сите спортски сали и теретани. Никој, освен Вибрен ван Хаг, не зборуваше за тоа што прави лудилото со ковид-мерките на здравјето и колку тоа ја ограничува слободата“, рече 43-годишникот во интервју за Панорама и посочи дека холандската влада „во голема мера ги надминала своите овластувања“ за време на пандемијата на коронавирусот.
