Украинскиот боксер Александар Усик на крајот на август нокаут во деветтата рунда го победи британскиот предизвикувач од ВБА, Даниел Дубоа и ја одбрани титулата светски шампион во тешка категорија.
Непоразениот Усик по вторпат ги одбрани појасите ВБА (Супер), ИБФ и ВБО со својата 21-ва победа во кариерата, но луѓето од тимот на Дубоа и промотерот Френк Ворен беа прилично лути, бидејќи веруваа дека Даниел го удрил Александар со соодветен удар во петтата рунда.
Имено, Дубоа со низок удар го удри Усик, кој се најде на подот со болна гримаса на лицето. Судијата му даде неколку минути да се опорави, а стручниот штаб на Даниел веруваше дека Украинецот е соборен.
Усик продолжи да доминира и во останатите рунди, а работата ја заврши во деветтата. По мечот, тимот на Даниел поднесе жалба до ВБА, а сега е донесена одлука – победата останува за Усик!
„По темелно разгледување на жалбата на промоцијата на Квинсбери, ВБА одлучи да ја потврди победата на Александар Усик над Даниел Дубоа. Промоцијата што го претставува Дубоа поднесе жалба на 4 септември, барајќи да се поништи резултатот од мечот поради одлуката на судијата, кој во петтата рунда оцени дека Даниел погодил со низок удар“, се вели во соопштението на организацијата ВБА. .
Александар Усик сега може целосно да се посвети на подготовките за мечот за апсолутен шампион во тешка категорија против Тајсон Фјури, кој треба да се одржи во декември или јануари следната година во Саудиска Арабија.
‼️ The WBA have now officially DISMISSED Frank Warren’s appeal over the Oleksandr Usyk vs Daniel Dubois low blow controversy. They ruled that there is “no clear and conclusive evidence” that the referee’s decision was wrong.
— Michael Benson (@MichaelBensonn) October 12, 2023
