Олимпискиот шампион Давор Штефанек од Србија можеби да остане без олимпискиот медал откако неговиот противник во финалето, Мигран Арутјунијан, најави дека ќе се жали до Спортскиот суд за арбитража (ЦАС).
Ерменецот беше поразен со резултат 1-1. Штефанек доби поен поради пасивност на противникот, додека Мигран го заработи својот поен со исфрлување на противникот надвор од границите на борилиштето. На доделувањето на медалите Емренецот одби да се слика на подиумот.
„Сите бевме сведоци на судиска фарса и не можеме да останеме рамнодушни. Одиме пред Судот за спортска арбитража да ја бараме правдата“ – истакна Грачја Ростомјан, секретарот на Олимпискиот комитет на Ерменија.
