Кубанците Арлен Лопез во средна категорија и Робеиси Рамирез во бантам категорија ги освоија шампионските титули во боксерскиот турнир на Олимписките игри, а Британката Никола Адамс победи во мува категорија во женска конкуренција.
Рамирез во одличен меч го победи американскиот фаворит Шакур Стивенсон (29:28, 28:29, 29:28). Двајцата боксери им пружија вистинско шоу на гледачите во „Павилјонот 6“, покажувајќи одлични квалитети во три опасни рунди. Рамирез, кој го освои златниот медал во мува категорија и во Лондон пред четири години, се докажа и во можеби најконкурентната олимписка категорија.
Лопез го победи Узбекистанецот Бектемир Меликузиев (30:27, 29:28, 29:28) за титулата во средна категорија, каде што бронза освоија Азербејџанецот Камран Шахсуварли и Мексиканецот Мисаел Родригез.
Женискиот бокс на Игрите е присутен само од 2012 година, Британката Никола Адамс ја победи Французинката Сара Урамунe и ја одбрани олимписката титула во категоријата мува (39:37, 39:37, 39:37).
51 кг – жени, мува
1.Никола Адамс (Британија)
2.Сара Урамуне (Франција)
3.Канкан Чен (Кина)
3.Ингрит Лорена Валенсија Викторија (Колумбија)
-56 кг – мажи, бантам
1.Робеиси Рамирез (Куба)
2.Шакур Стивенсон (САД)
3.Владимир Никитин (Русија)
3.Муројдон Ахмадалиев (Узбекистан)
-75 кг – средна
1.Арлен Лопез (Куба)
2.Бектемир Меликузиев (Узбекистан)
3.Мисаел Узиел Родригез (Мексико)
3.Камран Шахсуварли (Азербејџан)
