Рускиот ММА борец Хабиб Нурмагомедов остро го предизвика шампионот на УФЦ во лесна и перо категорија, Конор Мек Грегор. Русинот се справи со Мајкл Џонсон со сабмишн во втората рунда на галавечерта на УФЦ 205 во Њујорк, а потоа оддели повеќе време за да му фрли ракавица на Ирецот.
„Сакам да се борам со тебе, пиле. Ајде да го направиме тоа. Секогаш сум сакал да бидам скромен, но сите други момчиња зборуваат премногу. Свесен сум за пиарската машина на УФЦ. Во почетокот на годината Мек Грегор падна како некое пиле, а на крајот на годината се бори за титула. Тоа е лудо“, изјави Дагестанецот и предизвика свирежи од ирските навивачи.
Нурамагомедов е кандидат број 1 во лесна категорија. Тој е со впечатлив скор – 24 победи во 24 натпревари.
