Новиот тренер на Пулев: Со стилот што го има, нема шанса да стане светски првак!

202

Pulev vo udar

Новиот тренер на Кубрат Пулев, Ули Вегнер, најави дека бугарскиот боксер треба целосно да го промени својот стил, ако сака да ја освои светската титула во професионалниот ринг.

„Пулев подобро е подготвен од мојот колега Ото Рамин, но не доволно добро за светската титула. Кубрат боксува премногу отворено, а така нема да ги победува ривалите од светска класа. Треба целосно да го промени својот стил. Ова ќе биде многу тешко, бидејќи тој веќе е возрасен и изграден боксер. Единствено, тоа може да го направи со желба, а тој, го има тоа“, изјави Вегнер за „Остјурингер цајтунг“.

„Секогаш го кажувам примерот со легендата на скијачките скокови, Јенс Вајсфлог. Тој целосно го промени стилот. Од паралелно скокање премина на V -форма и освои уште две олимписки титули . Оваа промена му одзеде половина година . За такво нешто треба трпение и железна волја. Самиот Пулев покажа дека има големо трпение. Инаку немаше да чека две години за натпревар со Кличко“, дополнува Вегнер .