Предизвикувачот во тешка категорија на УФЦ, Френсис Нгану сака да дебитира во боксот. „Предаторот“ сонува за битки во рингот, а неговиот идол Мајк Тајсон да му биде во аголот.
Нгану бил инспириран од „Железниот Мајк“ кога имал 22 години и се шетал по улиците на Франција. Сонот на бездомниот борец беше да стане шампион во боксот, но со тек на времето се префрли во ММА.
Ова е сè уште сон за Нгану, кој за неколку години успеа да го достигне врвот на најголемата ММА организација (УФЦ). Френсис е познат по својата голема сила и тешки нокаути, а сака Мајк Тајсон да го подготви за бокс дебито и да биде во неговиот агол.
„Размислив за тоа и би било супер ако еден ден го направам своето деби во боксот и Мајк Тајсон да биде во мојот агол. Сакам да научам од тебе и да ме научиш сè што знаеш. Мајк, ти си како библија и имаш многу знаења за боксот“, напиша Нгану.
