Борецот во тешка категорија на УФЦ, Френсис Нгану, тешко ја прифати одлуката на промоцијата што ја организираше борбата за привремениот појас.
Сирил Гане неодамна го победи Дерик Луис и ја освои привремената титула и доби можност да се бори со камерунскиот удирач.
Нгану беше подготвен да го брани појасот во септември, но тоа сега отпаѓа. Борбата меѓу Френсис и Сирил може да се организира подоцна оваа година. Овој развој на настаните не му се допадна на шампионот.
„Кога сте долго во спортот гледаш се и сешто, а потоа сфаќш дека сето тоа е голема игра. Таа работа воопшто не е лесна или убава“, вели Френсис Нгану и додава:
„Се чувствувам како да не сум почитуван во УФЦ. Неколку месеци откако ја освоив титулата, тие зборуваат за некој друг светски шампион. Не знам повеќе дали сум шампион или не, малку е збунувачки“.
Но, Камерунецот сега мора да се сврти кон Сирил Гане, со кого порано беше во ист тим, а беше негов соборец. Сегашниот тренер на Гане, Фернандо Лопез, го тренираше Френсис.
„Фернанд сака да биде славен и тоа е неговиот голем проблем. Не можам да избројам колку пати сме дискутирале за што е целото внимание на мене. Секогаш тешко го прифаќаше тоа“, истакна Френсис Нгану и подвлече:
„Тренерот има своја работа и затоа е платен. Па, не може да заработи исто како борецот. Отсекогаш било така. Тој спореди колку следбеници имаме на Инстаграм. Му реков дека не ми е важно, па понудив да му пренесам некои. Еве, тоа беше нашиот проблем цело време“.
