Светската таеквондо федерација (ВТФ) не и даде шанса на Петра Матијашевиќ да ги брани боите на Македонија на Олимписките игри преку вајлд карта, бидејќи ги одбра натпреварувачите од Централноафриканската Република, Хаити, Хондурас и Непал за настап на Летните олимписки игри во Рио де Жанеиро, Бразил (5 до 21 август)
Матијашевиќ се надеваше дека може да биде повикана, особено по освојувањето на бронзениот медал на Европското првенство во Монтре-Швајцараија, но и не забораваше да каже дека има разно-разни калкулации и интереси. Светската таеквондо федерација (ВТФ) ѝ ги препорача на Трипартитната комисија на Интернационалниот олимписки комитет (ИОК) четирите таековондисти од наведените земји.
Во изборот на жени од страна на ВТФ се најдоа Ниша Равал од Непал, од категоријата над 67 килограми, како и Ања Лузен од Хаити (до 67 кг). Мигел Родригес од Хондурас (до 80 кг) и Дејвид Буи од Централноафриканската Република (до 68 кг) се среќниците во машка конкуренција.
Ipon.mk
