Мирза Сендиќ: Не сакав да ризикувам и со кикбоксерот да се борам со негов стил (ФОТО)

mirza-sendik-poluga-veles

Мирза Сендиќ ја извојува првата професионална борба во ММА против Изет Орлиќ од Босна и Херцеговина на турнирот во Велес „Ноќ на вечните- засекогаш со вас“ со лост (полуга) во првата рунда.

mirza-udira-odozgora

Орлиќ се обиде да зададе висок удар, но Сендиќ го искористи тој момент и го пресретна,го чистеше и во партер беше во доминантна позиција, задавајќи му серија на удари. Се кренаа и двајцата, а Мирза го собори уште еднаш и му направи лост (полуга).

mirza-pravi-poluga

Мирза Сендиќ е од Клубот за мешани боречки вештини Самурај од Штип, каде што е и тренер.

mirza-sendik-pobednik

За првата професионална победа во ММА Сендиќ вели:

„Задоволен сум од исходот на борбата и тоа што немам никакви повреди по истата. За противникот знаев дека е кикбоксер, затоа и не сакав да ризикувам и да се борам со него во тој сегмент. За среќа, сите коцки се поклопија и се испадна во најдобар ред“.

mirza-sam

Од Самурај посочуват дека следната борба на Мирза Сендиќ ќе биде во Прилеп,доколку дојде до организација на истиот или во Република Хрватска, ако успее да ја намали тежината и влезе во категоријата до 70 килограми.

mirza-so-protivnikot

Тој сака да и се заблагодарува на спонзорите кои финансиски го помогнаа во подготовките за оваа борба, како и на тренерите Дејдан Богданов и Гордан Николов, Мартин Михајлов, Борче Пачемски и спаринг партнерите Боби Коцев, Дејан Петриќ, Никола Арсов, Иван Трајчев, Дарко Рунчев, Дарко Јорданов, Хајрудин Сендиќ, Мики Николов и Александар Донев.

mirza-so-timot

Од друга страна, тој истакнува дека организацијата на турнирот била на високо ниво под раководство на Раде Стафановски и Клубот за боречки вештини Будо од Велес.

Ipon.mk/В.Д.

 

ПОВРЗАНИ ВЕСТИ

ПОПУЛАРНО