Сè е подготвено за УФЦ 264.
Борците го направија официјалната мерење и сè помина без значителни проблеми. Само борецот Ирена Алдана во бантам категорија не ја исполни пропишаната тежина. Таа застана на вагата со 139,5 „фунти“ и ја надмина дозволената граница за 3,5 „фунти“ (приближно 1,6 килограми). Борбата меѓу неа и Русинката Јана Куницкаја сепак ќе се одржи, но Алдана ќе мора да плати 30 проценти од хонорарот на својата противничка и ќе ја изгуби можноста да освои бонус. Лидерите на настанот, Конор Мек Грегор и Дастин Пориер, поминаа без никаков проблем, но тие го искористија дозволеното пречекорување и вагата им покажа 156 „фунти“ на двајцата.
Поранешниот шампион во лесна категорија Рафаел дош Анчос исто така се појави на мерењето и ги потврди гласините дека е замена во случај Дастин Пориер или Конор Мек Грегор да ја откажат борбата. И тој го искористи дозволеното пречекорување и дојде исто толку тешко, како и двајцата актери од главната борба. Засега е непознато колку пари ќе заработи Бразилецот за оваа замена, но успешно ја заврши својата работа.
Македонскиот борец Ален Амедовски (186 фунти) и неговиот противник Ху Јаозонг (185,5) ја исполнија потребната тежина за да се борат во средна категорија и нивната борба ќе го отвори овој голем настан. Амедовски се бори за првата победа во УФЦ во третиот настап.
Свеченото мерење и последното соочување на борците можете да ги следите на овој ЛИНК, а настанот започнува во еден часот по полноќ. Погледнете ја снимката од официјалното мерење и целосните резултати.
УФЦ 264 – Резултати од мерењето (во фунти):
Главниот дел од настанот:
Дастин Пориер (156) – Конор Мек Грегор (156)
Жилберт Барнс (170,5) – Стивен Томпсон (170,5)
Таи Туиваса (263) – Грег Харди (264,5)
Ирина Алдана (139,5) * – Јана Куницкаја (134,5)
Шон О’Мели (135,5) – Крис Мутињо (135)
Прелиминарен дел од настанот:
Карлос Кондит (171) – Макс Грифин (170,5)
Нико Прајс (169,5) – Мишел Переира (170,5)
Рајан Хол (145) – Илија Топурија (145,5)
Тревин Џајлс (185,5) – Дрикус Ду Плесис (185,5)
Ран прелиминарен дел од настанот:
Џнифер Маја (125,5) – Џесика Ај (125,5)
Омари Ахмедов (185,5) – Бред Таварес (184,5)
Жалгас Жумагулов (125,5) – Џером Ривера (125,5)
Ху Јаозонг (185,5) – Ален Амедовски (186)
