Флојд Мејведер го докажа својот легендарен статус со успех над долгогодишен противник Мани Пакијао. Американецот доминираше во суперспектакалот кој се одржа во Лас Вегас. Тој победи убедливо со судиска одлука.
„Сакам да се заблагодарам на Господ за оваа победа – рече возбудено ветеранот веднаш по завршувањето на борбата. – Благодарам и на сите фанови кои дојдоа. Тој е пеколно добар боксер. Сега разбирам зошто е еден од оние момци кои се меѓу најдобрите во боксот. Знаев дека ќе ме притиска. Имаше моменти на натпреварот, но успеав да го држам на дистанца. Бев поразумниот борец и го победив. Го направив вечерва она што требаше. Да го прочитам противникот. Тој е тврд противник. Татко ми инсистираше да бидам активен, но на мене ми требаше време да му дојдам одблизу на Мани. Стравував. Мојата последна борба ќе биде во септември и тогаш ќе ги закачам ракавиците на клин“.
