Легендарниот американски боксер Флојд Мејведер ја исфрли свршеницата Ана Монро од вилата во Лас Вегас за да може подобро да подготви за борбата против Јутјуб сензацијата Логан Пол.
Ана Монро е 29-годишна стриптизета која работи во клубот што Мејведер го купи кога ја запозна, а за нивната врска се дозна пред неколку месеци, на прославата на 44 роденден на Флојд.
Таблоидите пишуваат дека Флојд сериозно ги сфатил враќањето од пензија и првиот професионален меч од 2017 година.
„Ана се врати во нејзиниот стан. За неа сето ова е стресно, но таа е свесна дека Мејведер е тој којшто ги носи одлуките во нивната врска. Малку е чудно што се пресели бидејќи вилата има 11 спални соби и можат да живеат во неа без да се видат“, вели извор близок до Ана за „Сан“.
