Мечот Блахович-Тешеира го пренасочуваат за Абу Даби

Долго очекуваниот меч за титулата во полутешка категорија на УФЦ меѓу Јан Блахович и Гловер Тешеира ќе се одржи малку подоцна од првично најавениот датум. Неколку американски медиуми излегоа со слични информации.

Полјакот и Бразилецот требаше да се сретнат во октагонот на 25 септември на главниот настан на УФЦ 266, но наместо тоа, тие ќе се борат на УФЦ 267 во Абу Даби на 30 октомври.

Првично, 38-годишниот Полјак требаше да го брани појасот против 41-годишниот бразилски ветеран на 4 септември, но и тој датум не успеа.

Така, најкомерцијалната ММА организација ќе се врати на „Борбениот остров“ со страшен удар, откако последен пат беше таму во јануари на реваншот меѓу Дастин Пориер и Конор Мек Грегор.

Сè уште не е познато дали борбата за појасот во перо категорија меѓу Александар Волкановски и Брајан Ортега ќе го предводи УФЦ 266 или ќе ги следи Блахович и Тешеира до Обединетите Арапски Емирати.

ПОВРЗАНИ ВЕСТИ

ПОПУЛАРНО