Легендата на македонското борење Шабан Сеиди е избран за потпретседател Македонскиот олимписки комитет (МОК).
Тој е избран за потпретседател согласно новиот Статут, а покрај него потпретседатели, вкупно четери, се и Цветанка Макаровски, Димитар Костадинов и Перо Антиќ.
На (31 јули) се навршуваат 41 година од првиот медал во борење слободен стил на Олимписките игри, тоа е бронзениот медал на Шабан Сеиди кој го освои на Олимпијдата 1980 година во Москва.
Сеиди го повтори успехот и на Олимписките игри во Лос Анџелес 1984 година кога пак го освои бронзениот медал.
Во кариерата Шабан Сеиди освоил повеќе медали, кој во тоа време е член на БК Скопје.
Најдобри резултати му се 4 златни медали (1974–1979) и 1 сребрен на шест младински балкански првенства слободен стил; на единаесет европски првенства (1975–1987) – сребрен во Познањ (Полска, 1976), златни во Бурса (Турција, 1977) и во Будимпешта (Унгарија, 1983); на светските првенства (1975–1987) – 2 младински и 4 сениорски, сребрени медали во Лас Вегас (САД, 1977), Лозана (Швајцарија, 1977) и Скопје (1981); од четири Медитерански игри (1975–1987) – златни медали во Алжир (1975) и Сплит (1979), а од четири настапи на Олимписките игри (1976–1988) – бронзени медали во Москва (СССР, 1980) и во Лос Анџелес (САД, 1984).
