Тренерот на репрезентацијата за кадети и јуниори во борби, Александар Кузмановски, специјално за IPON.mk направи каратка анализа на досегашните настапи на нашите репрезентативци на Свесткото карате првенство за кадети, јуниори и јуниори 21 во Џакарта-Индонезија.
Кузмановски жали за пропуштените прилики за освојување на медал од страна на Филип Несторовски и Фаик Весели, но оптимизмот не го напушта, верува дека во преостанатите два дена Македонија ќе освои медал од СП.
„На Емилија Јаниќ и на Вјолца Гафури им треба поголемо меѓународно искуство. За Вероника Костовска и Моника Пендаровска, иако најмногу очекував од нив, изгореа во желбата за победа. Сепак, ова е Светско првенство, кое досега е најбројно и најквалитетно, затоа што можеби некој од овие натпреварувачи за пет години ќе земат учество на Олимпијадата 2020 во Токио-Јапонија.
Морам да го издвојам резултатот на Филип Несторовски, 7 место, иако можеше повеќе, се опушти премногу рано и го изгуби клучниот настап со Шпанецот. Денеска најдобар беше Фаик Весели, кој го освои петото место, што кажува дека има потенцијал кој многу ветува. За влакно го пропушти финалето, а за третото место изгуби од Јапонецот, чија репрезентација досега има освоено осум златни медали. Добар настап имаше и Роберто Ацковски. Задоволен сум од досегашните настапи, но, искрено, утре очекувам добар резултат“, констатираше Кузмановски.
На СП учествуваат 1450 каратисти од 92 држави.
Кадет Фахик Весели во – 52 кг. 5 место (4 поради и 2 порази )
За влез во финале загуби турскиот репрепрезентативец Абдурахим Озер Омер 6-2. Во борбата за бронзенбиот медал е поразен од Јонусуке Минами (Јапонија) со 6-2. Победи против Гркот Христос Суфијас Томас 8-3, Михајло Поповиќ од Србија со изјаснување, бидејќи борбата заврши 6-6, за потоа да салви со ист резултат 4-3 против домашниот каратист Виџаја Алвијан Диванга (Индонезија) и Кевин Паукар од Еквадор.
Кадет Филип Несторовски во – 70 кг. 7 место (2 победи и 2 порази)
Пораз од Шпанецот Марк Камачо Торес со 4-2, славеше над Илад Феизрахманов од Русија со 6-3 и Бен Дебортоли од Австралија со 5-1. Во репасажот Несторовски е поразен од Данецот Емил Хаструп со 2-0.
Кадет Роберто Ацковски (-63 кг,кадет) изгуби во третата борба
Две победи против Давид Подсклан од Словачка и Раушан Маураја од Индија со 3-1 и 1-1, пораз од Русинот Асиман Мамедов со 4-0.
Јуниор Вероника Костовска (-53 кг) изгуби во првата борба
Поразена во второто коло од претставничката на Тајпеј Чинг Хуанг со 3-0, бидејќи во првото беше слободна.
Јуниор Моника Пендаровска (-59 кг) изгуби во првата борба
Пораз во второто коло,однонсо во првиот настап од Италијанката Алесија Папаицо со 4-0.
Јуниор Давид Петков (-61 кг) изгуби во втората борба
Победа против Португалецот Васко Леитао, а загуби од Стефан Илиќ од Босна и Херцеговина.со идентичен резултат 1-0.
Вчера
Кадет Емилија Јаниќ (-54 кг) (2 порази)
Претрепе пораз од 1-2 од Кајра Сежџин од Турција. Турчинката стаса до полуфиналето, па Јањиќ доби шанса во репасажот, при што загуби од Дина Дурмиш (Србија) со 0-1.
Кадет Вјолца Гафури (- 54 кг) првата борба ја изгуби
Гафури е совладана од Бугарката Ивет Горанова со 3-0.
Ipon.mk/В.Д.
