Крис Јубенк Јуниор на работ на шанса за титулата во супер средна категорија на ВБЦ

36-годишниот британски боксер Крис Јубеанк помладиот изненадувачки би можел да се најде меѓу претендентите за светската титула во супер средна категорија на ВБЦ (168 фунти). Ова стана извесно од изјавата на претседателот на организацијата, Маурицио Сулејман, за Скај спорт, кој јасно стави до знаење дека Јубенк е сосема реална опција за борба за појасот, кој моментално го држи Французинот Кристијан Мбили.

Минатата година, Јубенк претрпе пораз во реваншот со Конор Бен, но борбата се одржа во средна категорија – дивизија во која Британецот традиционално има тешкотии со тежината. Според Сулејман, ова е клучот за неговото конечно враќање на врвот.

„Апсолутно. Крис Јубенк е фантастичен борец. Мислам дека имаше навистина тешко време во средна категорија; тој е природно супер средна категорија. Дефинитивно е борец од светска класа“, изјави Сулејман за Скај спорт.

Зборовите на шефот на ВБЦ практично му ја отвораат вратата на Јубенк кон нова можност на светската сцена, овој пат во категорија што е посоодветна за него.