КРА Нико го направи најмасовното полагање, Илиќ најави старт на натпреварувачкиот дел (ФОТО)

109

Во понеделникот вечерта Клубот за реално аикидо Нико од Кочани направи едно од најмасовните полагања за појаси во  историјата на овој спорт во Македонија во присуство на претседателот на Аикидо федерацијата на Македонија Ѓуро Илиќ, мајсторот Јордан Христовски и тренерот на клубот мајстор Николчо Гоцев.

Полагаа 60 аикидисти и со тоа покажаа дека Нико е еден од најбрзо растечките клубови во нашата земја и предводник во популазирањето на оваа вештина.

Претседателот Илиќ најави дека се при крај подготовките за натпреварувачкиот дел и дека наскоро ќе бидат објавени сите информации во врска со тоа.

Испитната комисија беше задоволна од прикажаното и сметаат дека многу од овие млади деца ќе прераснат во врвни спортисти.