Колби Ковингтон го моли Дана Вајт за борба пред Белата куќа

Поранешниот привремен шампион во полусредна категорија на УФЦ Колби Ковингтон упати необично барање до претседателот на организацијата, Дана Вајт, да му се организира борба пред Белата куќа.

Ковингтон веќе има позната врска со американската политика – во 2018 година, тој стана првиот шампион на УФЦ кој беше поканет во Овалната соба. Потоа, откако го победи Рафаел дос Анчос на УФЦ 225 за да ја освои привремената титула, Ковингтон го стави шампионскиот појас на бирото на Доналд Трамп и позираше со претседателот.

Сега Американецот сака да оди уште подалеку.

„Нема ништо што сакам повеќе за мојата кариера отколку да се борам пред Белата куќа. Јас бев човекот што го донесе ММА во политиката, го поддржував Доналд Трамп и републиканското движење. Затоа мислам дека ја заслужувам оваа борба“, изјави Ковингтон за Helen Yee Sports.

Тој дури и директно му се обрати на шефот на УФЦ:

„Те молам, Дана, стави ме на оваа борбена карта! Знам дека Трамп веќе ти го кажа истото. Те молам, Дана… Те молам“!

Како соновен противник за настанот, Ковингтон го посочи Англичанецот Педи Пимблет, кој, сепак, се натпреварува во лесна категорија:

„Ајде да го направиме тоа, Педи – префрли се во велтер категорија“, повика тој!

Доколку мечот со Пимблет не се одржи, Ковингтон е подготвен да прифати борба и со Жилберт Барнс.