Колби Ковингтон смета дека Хамзат Чимаев не е толку добар како што сите мислат. Американската ѕвезда на УФЦ е заинтересирана за борба од 5 рунди со Чеченецот. Колби смета дека Чимаев го нема потребното кардио и во таква борба ќе биде разоткриен. Долго време Чимаев го предизвикуваше Ковингтон, а за таква борба се интересираше и самиот Дaна Вајт.
За жал, Хамзат не успеа на мерењето во полусредна категорија и беше принуден да се искачи во средна категорија. Сега се подготвува за борба со Роберт Витакер следниот месец во Ријад, Саудиска Арабија. Колби тврди дека Чимаев загубил од Камару Усман во нивната борба што се одржа кон крајот на минатата година во Абу Даби.
Хамзат тогаш доминираше во првата рунда, но потоа забави и борбата изгледаше изедначено.
„Во борба од пет рунди, би бил супер заинтригиран за борба со Хамзат Чимаев. Секогаш им велев дека го сакам овој човек во главна борба. Мислам дека не може да издржи. Неговото кардио не изгледа толку добро. Во последната борба се бореше со Камару Усман во средна категорија со известување на една недела пред мечот. Мислам дека Усман ја доби битката. Хамзат наскоро ќе биде разобличен. Тој нема добро кардио и не е толку добар како што сите мислат дека е“, изјави Ковингтон.
View this post on Instagram
