Поранешниот светски шампион во полусредна категорија Кит Турман ќе се врати во центарот на вниманието на почетокот на следната година.
33-годишниот Американец ќе влезе меѓу јажињата по речиси 30-месечно отсуство во мечот против уште еден поранешен светски шампион во суперлесна категорија – Марио Бариош. Тие ќе се соочат на 29 јануари во Атланта, САД, а средбата ќе биде во полусредна категорија.
Турман последен пат беше виден во рингот во летото 2019 година, кога Мани Пакијао го победи со едногласна одлука и му го нанесе првиот пораз во професионалната кариера на Кит. Американецот има одржано вкупно 5 меча од 2015 година.
26-годишниот Бариош го доживеа и првиот пораз на последниот меч. Претходно во годината, Ацтеката загуби од Џервонта Дејвис со ТКО во 11. рунда.
