Канело Алварез, еден од најпопуларните мексикански спортисти, донираше милион долари за жртвите од земјотресот кој го погоди Мексико во последните две недели.
„Ова е најмалку нешто што можеше да направам. Се надевам дека и други луѓе ќе се вклучат за да им помогнат на настраданите“, изјави Алварез, кој беше трикратенсветски шампион во две боксерски категории, супервелтер и средна категорија.
Мексиканецот беше светски шампион во полусредна категорија пред да ја загуби титулата од Флојд Мејведер во 2013 година.
Да потсетиме, среден Мексико во вторникот го погоди силниот земјотрес со јачина од 7,1 степени според Рихтер. Повеќе од 250 луѓе загинаа, а стотици згради беа уништени.
Земјотресот се случил само неколку часа откако жителите учествувале во вежбата во случај на земјотрес на годишнината од катастрофалниот земјотрес во 1985 година, во кој загинаа 10.000 луѓе во главниот град.
Многу Мексиканци се уште се опоравуваат од земјотресот кој го погоди јужниот дел на Мексико на 7 септември и усмрти повеќе од 98 лица. Епицентарот на земјотресот во вторникот беше во централната држава Пуебла, на 120 километри јужно од Сиудад Мексико, објави Геолошкиот институт на САД.
