Полусредната категорија на Белатор веќе го има нов шампион. Украинската непоразена ѕвезда Јарослав Амосов блесна во Конектикат. Тој се сретна со легендата Даглас Лима во главната борба на Белатор 260, заложувајќи го непоразениот статус од 25 последователни победи.
Во текот на целиот меч Амосов се потпираше на својата борба и доминираше над Лима. Јарослав успеа да ја одонесе битката на партер, но што е најважно, успеа да го задржи Даглас таму.
На овој начин тој го неутрализира најголемото оружје на Бразилецот, кој никогаш не најде одговор за борбата на противникот. Даглас не можеше да застане на нозе, и така полека, но сигурно го загуби мечот. Во секоја рунда, Амосов се потпираше на граплингот, борењето и самбото.
Секако, тоа не им се допадна на навивачите кои го исвиркаа, но понекогаш победата е поважна од привлечноста. На крајот, Јарослав ја обезбеди победата по 25 минути доминација. Победи со одлука – (50-45, 49-46, 49-46), која остана непоразен и ја освои титулата.
Со оваа победа Амосов ја зголеми својата серија на 26-0 во ММА и веќе има 7 победи во Белатор. Лима, пак, влезе во серија од два последователни порази. Речиси е сигурно дека по таквата доминација, на Лима ќе му биде тешко да дојде до непосреден реванш. Амосов веројатно ќе го брани појасот против Мајкл Пејџ.
Резултати – Белатор 260:
Главна карта
Јарослав Амосов – Даглас Лима со одлука на судиите (50-45, 49-46, 49-46)
Џејсон Џексон – Пол Дејли со одлука (30-27, 30-27, 30-27)
Арон Пико – Ејден Ли со завршница Р3, 1:33
Марк Лемингер – Демарк Џексон со ТКО Р2, 3:36
Воведни
Кајл Крачмер – Леван Чокели со одлука (30-27, 30-27, 30-27)
Џастин Гонзалес – Тиван Клакстон со одлука (29-28, 28-29, 29-28)
Боби Кинг – Ник Њуел со одлука (30-27, 28-29, 30-27)
Лукас Бренан – Метју Скибицки со завршница Р1, 1:54
Марина Мохаткина – Аманда Бел со одлука (30-27, 30-27, 30-27)
Алекс Полици – Густаво Трухиљо со завршница Р1, 4:22
