Легендата на боксот, Евандер Холифилд, истакнува дека големите тешкаши како Тајсон Фјури можат да се „распаднат“ кога ќе почнат да ги удираат помалите и побрзи боксери.
Поранешниот шампион тоа добро го знае, бидејќи во 1988 година премина од полутешка во тешка категорија.
Тој од искуство вели дека големите тешкаши не сакале да бидат удирани и губеле верба во нивната моќ.
Холифилд нагласува дека апсолутниот шампион во полутешка категорија, Александар Усик (20-0, 13 КО) ќе има предност во евентуалниот меч за обединување на титулата во тешка категорија против огромниот Тајсон Фјури (33-0-1, 24 КО), бидејќи тој се движи и удира побрзо, и има способност да комбинира удари.
Фјури не користи комбинации, особено доцна во кариерата. Задава сингл удар и веднаш ги фаќа противниците за да прекине размената и да се одмори.
Бидејќи судиите му дозволуваат на Фјури да го прицврсти и да се потпре на својот противник, тој може да ја контролира борбата со менување на правилата во своја полза.
Мечот меѓу Тајсон Фјури и Александар Усик би требало да се одржи во март или април, веројатно некаде на Блискиот Исток.
Ивандер Холифилд неодамна во интервју за ИФЛ ТВ ја анализираше можната борба меѓу Усик и Фјури.
„И двајцата се добри борци, но помалиот (Усик) има побрзи раце“, рече Ивандер Холифилд и продолжи:
„Ако големиот (Фјури) не го натера помалиот да се бори како него, тој ќе победи. Тоа е причината зошто отидов во тешка категорија. Сфатив дека сум побрз од сите. Јас би имал предност пред момците кои се повисоки и поголеми затоа што задваат еден или два удари и не сакаат да примаат удари.
Сепак, боксерската легенда смета дека денешните поголеми тешкаши се многу побрзи отколку што биле во негово време.
„Сега овие големи момци имаат ритам, добија рамнотежа и се што имаат помалите борци. Во денешно време е многу потешко да се боксира против огромни тешкаши, бидејќи почнуваат да тренираат уште од мали нозе“, истакна Ивандер Холифилд и подвлече:
„Ако почнеш да боксираш на рана возраст, можеш да бидеш многу подобар ако си поголем. Така отприлика се бори Тајсон Фјури. Тешко е да се запре голем човек ако има брзи раце и добри комбинации, затоа отидов во тешка категорија“.
