Извршниот одбор на Меѓународниот олимписки комитет вчера донесе одлука да го додаде каратето на спортската програма во 2018 година на Младинските олимписки игри што ќе се одржат во Буенос Аирес (Аргентина).
Одлуката претставува уште едно признание за оваа спортска дисциплина по нејзиното вклучување во програмата на Олимписките игри во Токио 2020 која беше потврдена од страна на МОК на 129 сесија во август.
Светската карате федерација (ВКФ) и карате спортот ќе имаат можност да го покажат влијанието и силата на милиони млади каратисти на следното издание на Младинските олимписки игри. Градот Буенос Аирес (Аргентина) ќе биде домаќин на настанот од 1 до 12 октомври 2018 година.
