Имаме тројца сумо шампиони во Европа!

Првиот ден македонските сумо борачи направија вистинска сензација. Во три категории младите борачи на Балканец од Штип станаа европски шампиони во сумо борење.

Титулите ги освоија- во категоријата до 55 кг за борачи до 14 год Давид Мишев, до 65 кг до 18 год. европски шампион стана Серхан Шакиров, а до 90 кг за борачи до 16 год Дарио Величковски. Инаку сите се борачи на Балканец од Штип, чиј тренер е Виктор Богданов, кој е претседател на Македонската федерација за сумо борење. Исто така, второ или сребрен медал освои Дарко Иванов (-80 кг) за 16 години, а Петар Тодев беше трет до 70 кг до 16 год. Најдобри резултати првиот ден постигнаа репрезентациите на Бугарија, кои допатуваа со 90 натпреварувачи и во женска и машка конкуренција и на Грузија.
На крајот од првиот ден се одржаа екипните борби.

Штип овие два дена е домаќин на ЕП во сумо борење. Учествуваат 7 репрезентации со околу 200 учесници. Првенството го отворија преставникот од Европската унија на сумо борење, Стивен Гард и градоначалникот на Штип, Илчо Захариев. Стивен Град го заврши обраќањето пред присутните гледачи во салата „Јордан Мијалков“ во Штип на македонски јазик со зборовите „Македонија нека е вечна…“

На отворањето на првенството присуствуваа и пратениците Трајче Димков, Никола Мицевски и Генералниот секретар на Спјузот на спорстки федерации на Македонија, Борче Боев, кој даде и голем придонес за беспрекорната организација на ЕП.

Првиот ден се натпреваруваа младите сумо борачи до 18 години, а утре ќе се борат сениорите. На ЕП учествуваат- Германија, Бугарија, Грузија, Унгарија, Велика Британија,Холандија и Македонија. Еве ги постигнатие резултати:

 Македонија- Германија 2-1 (боите на Македонија ги бранеа Александар Донев, Серхан Шакиров и Михаил Николов)

Грузија- Бугарија 2-1

Унгарија- Германија 2-1

Македонија- Грузија 1-2

Бугарија- Германија 2-1

Македонија- Унгарија1-2

Германија- Грузија 0-3

Бугарија- Македонија 3-0

 финале

Унгарија- Грузија 0-3

 Македонија во екипна конкуренција го освои 4 место, што преставува извонреден резултат.

Ipon.mk/К.М.