Макс Холовеј (26-7) ја постигна третата победа во низа во фантастичен настап на настанот УФЦ 300 во Лас Вегас.
Откако во август минатата година го испрати во пензија со нокаут Јунг Чан Сунг, попознат како Корејското зомби, сега на ист начин заврши уште една ѕвезда на УФЦ.
„Благословениот“, на настанот кој го предводеше борбата за титулата во полутешка категорија меѓу Алекс Переира и Џамахал Хил, го победи Џастин Гејџи со брутален нокаут во последната секунда на мечот.
Со таа голема победа Холовеј го освои појасот БМФ и покажа дека моментално е најлошиот борец на светот.
А на неговиот тримуф се осврна и шампионот на УФЦ во перо категорија Илија Топурија (15-0).
„Се е јасно, мојата следна борба е против Макс Холовеј. Му честитам на одличниот настап, но кога ќе се бори со Ел Матадор, ќе се врати на крајот од редот“, изјави Илија Топурија за ЕСПН.
Во февруари, непоразениот шпански борец со грузиско потекло го симна од тронот Александар Волкановски, кој владееше со дивизијата неколку години.
Топурија во втората рунда го победи Австралиецот со нокаут и со тоа ја забележа 15-та победа во кариерата и седмата во најголемата светска ММА организација.
„Што ако на крајот од борбата се најде на крајот од редот? Може да каже што сака, но пред нас се многу прашања, а јас сум возбуден што ги дознавам одговорите“, подвлече Макс Холовеј.
