Големата УФЦ ѕвезда, Конор Мек Грегор имаше потреба да го каже својот коментар за боксерскиот спектакл одржан минатиот викенд во Лас Вегас, во кој Тајсон Фјури го нокаутира Дионтеј Вајлдер во 11-тата рунда и го одбрани појасот на ВБЦ во тешка категорија.
„Беше голема борба. И двајцата се воини и победници. Тешко е да не се импресионираш со Дионтеј. Тој се бореше со многу поголем борец и речиси победи. Тешко е кога противникот тежи 18 килограми повеќе, тоа е МНОГУ. Честитки и за двајцата, уживав во нивниот судир“, напиша славниот Ирец на Твитер.
Но, Мек Грегор не застана на еден пост, има уште што да напише, а го допре и својот противник Дастин Пориер. Дијамант го победи Ноториус во јули, а борбата беше прекината откако Конор ја скрши ногата на крајот од првата рунда.
„Нивните вештини се уникатни, но многу блиски. Одлична трилогија во тешка категорија. Сакам кога и двајцата прават настап, а не како некои што слават победа откако противникот е тешко повреден, знаете на што мислам. Бог да ги благослови вистинските и искрените на овој свет“, додаде Конор Мек Грегор.
На крајот, Конор им честиташе и со порака и до нивните семејства.
„Честитки за Тајсон и Париз. Ди и јас сме многу среќни за тебе и децата. Честитки и за Дионтеј и Тејла. Беше прекрасно што се запознав неодамна. Борбата беше одлична и секој можеше да победи. Неверојатно! Среќна недела…“, ја заврши Конор Мек Грегор својата серија пораки на Твитер.
Great fight that. Both warriors, both winners. Hard to not be impressed with Deontay there. Against the much larger man and almost got it done. Great fight. 40lb’s in weight difference is A LOT. Fair play both men there, very enjoyable fights they have had together. Respect.
— Conor McGregor (@TheNotoriousMMA) October 10, 2021
Their skill levels are unique but very close. A great heavyweight trilogy that was. I love when it gets set for certain and both have an honorable showing. Not the fam in the ring fake celebrating after a freak injury etc etc you know the gig, God bless the real in this world.
— Conor McGregor (@TheNotoriousMMA) October 10, 2021
Congrats Tyson and Paris. Me and Dee are so happy for you and the kids. Congrats Deontay and Telli also. Was great meeting you guys recently. A real proud showing that was, and could have went either way. Amazing! Happy Sunday now today with the cheddar and the memory’s God bless
— Conor McGregor (@TheNotoriousMMA) October 10, 2021
