Христијана Парулеска е прогласена за најдобар кадет на Европското првенство во традиционално таеквондо (ИТФ) во Јесоло, Италија.
Мастер Руџиеро Ланоте, организатор на Европското првенство и претседател на Италијанската теквондо федерација при ЕИТФ, лично и го врачи пехарот за најдобра кадетка на на Парулеска како освојувач на два медали во форми и борби.
Честитките беа дотолку позначајни што беа лично искажани и од претседателот на Европската федерација (ЕИТФ), како и од сите останати присутни членови на Интернационалната теквондо федерација (ИТФ), велат од нашиот табор.
„Ваква гордост и вакво чувство како селектор на репрезентација им посакувам на сите селектори во секој спорт во Македонија. Среќата излегува низ очите“, изјави селекторот на македонската репрезентација Марјанчо Лазаревски.
